احدث طريقة سحب الاموال من باي بال في مصر 2020 بفيزا ايزي باي easypay

16

احدث طريقة سحب الاموال من باي بال في مصر 2020 بفيزا ايزي باي easypay

كيفية سحب الامول من باي بال علي الفيزا في مصر

يعاني بعض الاشخاص من لهم تجارة اليكترونية او معاملات مالية علي الانترنت من عدم القدرة علي استلام الامول او الارباح من باي بال علي اي فيزا في مصر نظرا لقرار البنك المركزي بإيقاف الدفع بالنقد الأجنبى من خلال البنوك الالكترونية من بينها “paypal”. وبسبب هذا القرار تم ايقاف سحب الامول علي اي فيزا في مصر وكان الحل الوحيد لاستلام امولك من باي بال في مصر يتم من خلال البطاقات الائتمانية (Credit Cards) والتي يمكن استخراجها إمّا بضمان تحويل الراتب إن كنت موظّفاً، أو شهادة استثمارية أو وديعة لا تقل عن قيمة محددة (توجد شهادات أو ودائع بدءاً من 3000ج ..

واليوم وجدنا طريقة جديده جربتها بنفسي وهي سهله جدا وغير مكلفة لـ تفعيل و استلام وسحب الامول الموجودة بحسابك في باي بال علي الفيزا مباشرة من خلال فيزا البريد المصري ايزي بايVisa EasyPay

تفاصيل فيزا ايزي باي من البريد المصري

  • فيزا البريد المصري ايزي باي EasyPay مصاريف اصدار الفيزا  10 جنيهات  بدلا من 25 جنيه
  • مصاريف سنوية 15ج تخصم من الرصيد
  • مده صلاحية الفيزا 5 سنوات غير قابل للتجديد وغير مسموح امتلاك اكثر من فيزا لنفس العميل الا في حاله الفقد او التلف
  • الحد الادني للإيداع  هو 100 جنيه وبحد اقصى 5000 جنيه للايداع اليومي وبحد اقصى 20000 جنيه للايداع الشهري تحديث تم رفع الحد الاقصى لرصيد الفيزا من 20000 ج الى بدون حد اقصى
  • الشراء داخل مصر 10000 الف يوميا وبدون حد اقصي
  • الشراء اون لاين او الشراء بالعملة الاجنبية  1000 $ دولار يوميا بحد اقصى 5000 $ شهريا
  • الحد الاقصي للسحب من مكينة  ATM من 3000 ج الي 35000 ج من داخل مكتب البريد
  • الحد الاقصى للسحب اليومي من اي مكينة ATM غير تابعه للبريد 3000

كيفية استخراج فيزا ايزي باي EasyPay لتفعيل الباي بال

اولا توجه الي مكتب البريد فرع رئيسي لازم يكون فرع رئيسي ثم تتوجه الي الشباك وتطلب من الموظف طلب استخراج فيزا ايزي باي سوف يعطيك استماره لملاء البيانات ثم انتظر لاستلام الفيزا  وبعد استلام الفيزا  , طبعا هتحتاج تفعيل ممكن يقولك تعالي بكرة  فانت تنح وقوله انا جاي من شغلي ومش فاضي او اخترعله اي حوار المهم هيحولك لشباك اخر لتفعيل الفيزا  بعد تفعيل الفيزا اعمل ايداع بمبلغ 100 جنيه في نفس الشباك

وبعد كده تكون استلمت الفيزا وفعلتها وضفت فيها رصيد 100 جنيه رصيد عشان نربطها مع باي بال وبعدين ادخل علي حسابك في بال بال واضف الفيزا  بعدها سوف يقوم باي بال بسحب دولار من رصيدك وارسال كود في عملية السحب انتظر ساعه كده واتصل علي رقم خدمة العملاء الخاص بالفيزا   16789  واطلب من الموظف كود اخر عملية في فيزا ايزي باي هيطلب منك بيانات زي رقم بطاقة الرقم القومي وتليفونك ال ضفته في استمارة البريد وبعدين هيديك الكود المكون من 4 ارقام وبعدين تدخل علي حسابك في باي بال تضيفه في خانة تأكيد الفيزا  ومبروك الفيزا مفعله ارسال واستلام

معرفة رصيد فيزا ايزي باي easypay

تقدر تتابع معاملاتك المالية وتدفع الفواتير وتعرف رصيد الفيزا والشحن والمزيد … من خلال تنزيل تطبيق ايزي باي من علي جوجل بلاي من خلال الرابط التالي https://play.google.com/store/apps/details?id=com.efinance.easypay&hl=ar

ائي استفسار اترك تعليق

 
16 تعليقات
  1. محمود يقول

    اولا شكرا ليك
    بس بعد اما اخلص كل ده وافعل الفيزا على الباى بال اقدر اسحب عليها من الباى بال على طول
    اصل سمعت ان الفلوس بتفضل فى حالة انتظار

    1. alaa يقول

      مرحبا اخي محمود
      اكيد طبعا تقدر تسحب المال علي الفيزا مباشرة
      بخصوص الانتظار او التعليق ده بيكون علي حسب المصدر , اذا كان المال المرسل لك من عمليات بيع مع اخرين ففي بعض الاحيان وليس كل الاحول يتم تجميد المال المرسل لك لمدة 21 يوما وبعدها يمكن سحب المال علي الفيزا مباشرة
      اما اذا كان المال المرسل لك من شركات رباحية علي سبيل المثال شركات اعلانات او من مواقع مثل خمسات ومستقل فلن يكون هناك ايه تعليق او تجميد ويمكنك سحب المال بسهولة علي الفيزا

  2. محمد فوزي يقول

    سلام عليكم هل الطريقة دي لسه شغالة

  3. alaa يقول

    وعليكم السلام ورحمة الله وبركاته
    نعم اخي محمد الطريقة شغاله

  4. شهاي يقول

    صديقي انا عملت كل الخطوات ده بس لما باجي اسحب الرصيد من باي بال على الفيزا العملتها بيقولي حصل خطأ ده ليه ؟

    1. alaa يقول

      اتاكد انك فعلت الفيزا من خلال الاتصال بخدمة العملاء 16789

  5. HAi يقول

    طيب انهارده ف اول ايام رمضان لسه الباى بال شغال ع الايزى باى ولا لا اصل سمعت انه بقى صعب واتوقف ومش عارفه

    1. alaa يقول

      الي الان شغال

  6. تسنيم يقول

    والفيزا استخدمها او اسحب بها الفلوس من اى ATM لاى بنك ولا لازم بنك معين ولا من البريد نفسه ولا ايه ؟؟
    وهل الطريقة لسه متاحة الى الان ؟

    1. alaa يقول

      تسحب من اي مكينة ATM لاي بنك
      نعم

      1. تسنيم يقول

        متشكرة جدا على رد حضرتك بس سؤال اخر معلش الفلوس بتنزل فى الحساب بسحبها بالعملة الاصلية اللى هى الاجنبية ولا بسحبها متحولة لعملة البلد اللى انا فيها ؟

        1. alaa يقول

          المبلغ المحول الي الفيزا بيضاف بالعملة المصرية والسحب بالعملة المصرية

  7. ابراهيم علي يقول

    عندي كام سؤال بعد اذن حضرتك ١ هو الشحن بالدولار ولا بالمصري للفيزا في عمليات الشراء او الدفع بالدولار . ٢ ازاي اسحب من الباي بال للفيزا وكحد اقصي قد اي وخلال كام يوم وازاي ارسل الفلوس من الفيزا لحسابي في الباي بال

    1. alaa يقول

      اهلا بك اخي ابراهيم هوضح لحضرتك
      حضرتك بتشحن الفيزا بالمصري لائن مفيش شحن بالدولار اصلا تمام ؟
      طيب انت هتشتري حاجة علي النت بمبلغ 5 دولار تمام ؟ وسعر الدولار علي سبيل المثال 15 جنية هتحسب 15× 5= 75
      وده المبلغ الي هيتخصم منك, يعني تشتري بالدولار او باي عملة وهيتم خصم المبلغ بالمصري

      بخصوص حساب الباي بال سهل جدا هوضح لحضرتك الخطوات مكتوبة وان شاء الله قريبا هعمل شرح مصور خطوة بخطوة

      في البداية هتعمل حساب باي بال بأسمك وهتعمل الفيزا كما وضحة طريقة استخراجها في المقال ويفضل يكون حساب الباي بال باسمك والفيزا باسمك
      بعد عمل الحساب والفيزا بتربط الفيزا بحسابك في البال بال, عملية الربط والتفعيل عبارة عن انك بتدخل بيانات الفيزا في حسابك علي الباي بال وبعدها بيقوم البال بال بسحب 1دولار من الفيزا وبيطلب منك ادخال كود عملية السحب اتصل علي رقم خدمة العملاء الخاص بالفيزا 16789 واطلب من الموظف كود اخر عملية في فيزا ايزي باي هيطلب منك بيانات زي رقم بطاقة الرقم القومي وتليفونك ال ضفته في استمارة البريد وبعدين هيديك الكود المكون من 4 ارقام وبعدين تدخل علي حسابك في باي بال تضيفه في خانة تأكيد الفيزا ومبروك الفيزا مفعله ارسال واستلام

      بخصوص انك ترسل فلوس من الفيزا الي حسابك في الباي بال ,حضرتك مش هترسل فلوس من الفيزا للباي بال
      الباي بال بيسحب تلقائي من الفيزا عند اي عملية شراء
      بمعني دخلت تشتري حاجة من علي النت بحسابك بالباي بال وقتها يقوم الباي بال بسحب المبلغ في نفس الوقت من الفيزا مباشرة
      اما الفلوس المرسلة اليك من اشخاص او شركات علي حسابك في باي بال هي فقط الي هتظهر في رصيد حسابك وتقدر تسحبها علي الفيزا من خلال كتابة المبلغ الي عايز تسحبه من الرصيد الي ظاهر امامك
      واي استفسار انا تحت امرك

  8. احمد جبريل رمضان يقول

    التطبيق لا يتوافق مه هاتفي فهل يوجد برنامج علي الكمبيوتر اعرف به رصيد البطاقة

    1. alaa يقول

      اهلا بك اخي احمد
      اليك الطريقة التالية
      تحميل وتنصيب برنامج BlueStacks علي الكمبيوتر الخاص بك
      من خلال هذا البرنامج تستطيع تنصيب تطبيقات اندرويد علي الكمبيوتر ,فقط قوم بتنصيب البرنامج بعد التنصيب هستجد داخل البرنامج تطبيق جوجل بلاي اضغط عليه ثم اضافة تطبيق ايزي باي
      التحميل المباشر من الموقع الرسمي للبرنامج علي هذا الرابط https://www.bluestacks.com/ar/index.html
      الطريقة جربتها بنفسي وتعمل بدون مشاكل

      برنامج اخر يقوم بنفس المهمة Nox App Player
      التحميل المباشر من الموقع الرسمي للبرنامج علي هذا الرابط https://ar.bignox.com/

اترك رد

لن يتم نشر عنوان بريدك الإلكتروني.